Kaŝi – Carsten Schnathorst

La enhavo

Intervjuoj kun Kaŝi.
Krom-registraĵoj.
Ligiloj.

Gaja, amikema, ŝatanta babili, malferma. Jen Kaŝi, blinda esperantisto el Germanio, kiu simile kiel JoMo aŭ Kimo kapablas flamigi etoson dum koncertoj tiel, ke la piedoj de tiuj kiuj sidas mem dancas. Koncertoj de Kaŝi, kiu kantas kaj mem akompanas al si piane, vekas entuzjasmon ne nur pro kvalite prezentita muziko, sed ankaŭ pro pensemaj, ofte poemaj tekstoj de kantoj.

Watch this video on YouTube

Kaŝi – Carsten Schnathorst – Vokante

Multaj el prezentataj de Kaŝi kantoj venis pro kunlaboro kun la pola verkistino kaj tradukistino Halina Kuropatnicka-Salamon. Ravita de ŝiaj poemaĵoj kaj tradukoj en Esperanton li adaptigis ilin al kantado mem komponante muzikon.

Pro aŭdokapablo Kaŝi iĝis talenta poligloto. Dum koncertoj li kapablas kanti ne nur en Esperanto, sed ankaŭ en aliaj lingvoj, inklude de la pola, tre malfacila prononce, tamen por li, imagu, facila. Kelkfoje mi aŭdis lin kantanta pole kun miro, ke li regas mian lingvon tiel nature kiel la polo. Krome, kio atestas pri lia muzika kapablo, Kaŝi ŝate aliĝas al kantado kun la aliaj kaj foje sen antaŭpreparo tuj trovas sin kun ili sursceneje.

Se vi estas el inter organizantoj de la esperantistaj eventoj, kaj pensas pri la muzika programo, rimarku lin kaj vi ne bedaŭros, certe. Se vi ne trovos eblon kontaktiĝi kun Kaŝi kontaktiĝu kun mi – mian retadreson vi trovos en la redakcia subpaĝo. Memoru nur, ke Kaŝi estas blinda kaj oni devas zorge plani lian alvenon kaj revenon. Nur tio. Ĉio alia estas amikeco kaj muziko.

Irek