Intervjuo kun Eterne Rima

Eterne Rima.

Eterne Rima, poldevena esperantisto el Japanio, apartenas ĉefe al la hip-hop’a branĉo de la muzika merkato. Iom kaŝita malantaŭ sia muzika aparataro artisto, al kiu gravas, ke en Esperanto-kulturo ne manku moderneco, pere de muziko provas esprimi sian rilaton al la esperantista kulturo kaj al realeco de odrinara vivo de atendoj, sopiroj kaj sentoj.

Aŭskultu, kion Eterne Rima diras pri si mem. Eksciu ankaŭ mesaĝojn, kiujn li eternigas pere de siaj bonkvalitaj komponaĵoj. Unu el miaj plej ŝatataj estas:

Samideano, ĉu vi atendas ĝis la fina venko?
Samideano, ni ĉiuj sidas sur la sama benko.
Samideano, ĉu vi laboras por pli bona mondo?
Samideano, kion signifas familia rondo?…

Jen Eterne Rima.
Bonan re-/aŭskultadon!

Intervjuo registrita aprile de 2010,
publikita en la 59a VVE, realigis Platano,
tempo-daŭro 15:56.

Ligoj: Myspace, Ipernity.